成張地圖好大架，有138cmx100cm 咁大，大過張枱 （我自己個張），所以玩個時一係就平放係地下，一係呢，就貼上牆，套裝包括左 4條膠條，可以方便將地圖拉直到貼上牆。

地國上面除左有地理位置，仲有各國唔同資訊，好似動物，文化習俗，風土特產，就連人物 李小龍都有，火箭，UFO 都會搵到，唯獨係我未搵到 恐龍～

Paris 最近好喜歡恐龍，佢去到邊都搵恐龍～

我一直提及的『點讀筆』其實即係『神奇魔法發聲筆』，每套 WORLD MAP 都有1枝 (附有1年保養)，以 USB 充電，包括火牛1個。

咁大張 WORLD MAP，可以卷起，收藏係紙筒入面，即使唔掛出所都可以方便處理。

講明係發聲地圖，點讀筆就係靈魂所在，除左真人發聲，可以操控音量大小，仲有一個錄音功能，年齡大少少嘅小朋友可能會較適合。

其實我都唔期望 Paris 會識幾多個字，當我打開張地圖時，Paris 好奇心下，第一時間就會爬上去，然後就玩點讀筆。

點讀筆只要輕輕點到圖案，就可以自然讀出相關資料，即係 Paris 亂咁篤，佢都會不停咁讀，一個 2歲小朋友耐性有限，如果俾佢自己玩，幾分鐘就會『失去興趣』。

呢套 WORLD MAP 唔係玩具呀，其實需要由家長一齊『玩』，係我協助下，Paris 可以更專注咁閱讀地圖，特別係動物，Paris 可以係地圖上搵出動物，然後我『點讀』播出資訊，再加以解釋。

Paris 見到我正確使用點讀筆後，都學會了『使用』點、讀功能。

而家我將 WORLD MAP 掛了出來，每日都會去『找動物』，WORLD MAP 所包含的資訊很廣，除了上了小學的小朋友都可以應用，多花心思，可以發現更多樂趣。

小朋友的專注大概只有10－15分鐘，每天看看幾分鐘，已經可以有效吸收，地圖的圖案很豐富，對於 Paris ，我會每次集中一個小部份來閱讀，小朋友會更易閱讀。